Bıylǵy qarasha aıynda baǵa byltyrǵyǵa qaraǵanda 3,4 paıyzǵa ósti - Statıstıka
ASTANA. 3 jeltoqsan. QazAqparat - 2013 jylǵy qarashada azyq-túlik taýarlarynyń baǵasy 2012 jylǵy qarashamen salystyrǵanda 3,4 paıyzǵa ósti.
QR Statıstıka agenttiginiń baspasóz qyzmetiniń habarlaýynsha, 2013 jylǵy qarashada 2012 jylǵy tıisti aımen salystyrǵanda baǵa makaron ónimderine 6,8 paıyz, balyq jáne teńiz ónimderine - 4,7 paıyz, sút ónimderine - 4,5 paıyz, kofe, shaı jáne kakaoǵa - 3,9 paıyz, toqash jáne un ónimderine - 3,4 paıyz, unǵa - 3,1 paıyzǵa, alkogoldi ishimdikterge, kondıterlik ónimderge - 3 paıyzdan, nanǵa - 1,4 paıyzǵa, maı jáne toń maıǵa 1,2 paıyzǵa ósken. Bul rette baǵanyń tómendeýi jarmalarǵa 6,3 paıyzdy, qantqa 2,6 paıyzdy quraǵan.
Budan bólek, atalǵan kezeńde et jáne et ónimderi baǵasynyń ósimi 2,6 paıyzdy qurady. Shujyq ónimderine baǵa deńgeıi 4 paıyz, jylqy etine - 3,9 paıyz, qoı etine - 2,8 paıyz, sıyr etine - 2,5 paıyz, shoshqa etine 2,4 paıyzǵa joǵary boldy, al qus etine kerisinshe 0,3 paıyzǵa tómendegen.
