Bıylǵy qańtarda jumysqa 90 myń adam qabyldandy
ASTANA. 13 qańtar. QazAqparat - Bıylǵy qańtarda jumysqa 90,5 myń adam qabyldandy. Bul jaıynda Statıstıka agenttigi habarlap otyr.
Jedel derekterge sáıkes, iri jáne orta kásiporyndarǵa jáne uıymdarǵa 2012 jylǵy qańtarda 90,5 myń adam qabyldandy, sondaı-aq túrli sebeptermen 77,2 myń adam jumystan ketti. Jumystan ketken qyzmetkerlerdiń arasynda óz erki boıynsha jumystan bosatylǵandar 76,4 paıyzdy, al qyzmetkerler sanynyń qysqarýyna baılanysty - 6,3 paıyzdy, basqa sebepter boıynsha 17,3 paıyzy quraıdy.
2012 jylǵy qańtar aıynda jumysqa qabyldaý boıynsha aınalym koeffıtsıenti 2,9 paıyzǵa, jumystan bosatý boıynsha aınalym - 2,5 paıyzǵa, jumys kúshiniń turaqsyzdyq koeffıtsıenti 1,9 paıyzǵa jetti. Osy kezeńde jumys kúshin aýystyrý koeffıtsıenti 117,3 paıyzdy qurady.
