Bıylǵy qańtarda jumysqa 80 myńǵa jýyq adam qabyldandy
ASTANA. QazAqparat - Aǵymdaǵy jylǵy qańtarda derekterge sáıkes, iri jáne orta kásiporyndarǵa jáne uıymdarǵa 78,5 myń adam qabyldandy, túrli sebeptermen 90,3 myń adam jumystan ketti.
Bul týraly QR Statıstıka agenttiginen habarlandy.
Belgili bolǵandaı, jumystan ketken qyzmetkerlerdiń arasynda turaqtamaý sebepteri boıynsha jumystan bosatylǵandar 74,9 paıyzdy, qyzmetkerler sanynyń qysqartylýyna nemese kásiporynnyń taratylýyna baılanysty - 4, sondaı-aq basqa sebepter boıynsha 21,1 paıyzdy qurady.
Aǵymdaǵy jylǵy qańtarda jumysqa qabyldaý boıynsha aınalym koeffıtsıenti 2,4 paıyzdy, jumystan bosatý boıynsha aınalym - 2,8, jumys kúshiniń turaqsyzdyq koeffıtsıenti 2,1 paıyzdy qamtydy. Osy kezeńde jumys kúshin aýystyrý koeffıtsıenti 86,9 paıyzdy qurady.
