Bıylǵy qańtarda Qazaqstannyń syrtqy saýda aınalymy 2009 jyldyń qańtarymen salystyrǵanda 31 paıyzǵa ósti

Bul týraly búgin Astanada baspasóz máslhatynda QR Statıstıka agenttiginiń tóraǵasy Álıhan Smaıylov aıtty, dep habarlaıdy QazAqparat.

Onyń aıtýynsha, syrtqy saýda aınalymynyń ishinde eksport 4 mlrd. 259,4 mln. teńgeni qurap, 66,2 paıyzǵa ósse, ımport 1 mlrd. 471,2 mln. teńgeni qurap, 18,7 paızyǵa azaıǵan. «2010 jyldyń qańtar-aqpan aılarynda bólshek saýda taýar aınalymy - 428 mlrd. 897,7 mln. teńgeni qurap, 2009 jyldyń qańtar-aqpanymen salystyrǵanda 10,9 paıyzǵa ósti. Esepti kezeńde kóterme saýda taýar aınalymy - 852 mlrd. 108,6 mln. teńgeni qurap, 2009 jyldyń qańtar-aqpanymen salystyrǵanda 11,9 paıyzǵa artty», dedi Á.Smaıylov.