Bıylǵy qańtarda Qazaqstanda ınflıatsııa 0,3% qurady

QR Statıstıka agenttiginiń málimetinshe, baǵa azyq-túlik taýarlaryna ótken aıda 0,5 paıyzǵa, azyq-túlik emes taýarlaryna - 0,3 paıyzǵa, aqyly qyzmetterge - 0,1 paıyzǵa ósti.

Ótken aıda baǵanyń joǵarylaýy etke, jumyrtqaǵa 1,4 paıyzdan, jańa jınalǵan jemister men kókónisterge - 1,1 paıyzǵa, balyq jáne teńiz ónimderine - 0,8 paıyzǵa, mal maıyna - 0,6 paıyzǵa, sút ónimderine, toqash jáne unnan daıyndalatyn kondıterlik ónimderge - 0,5 paıyzdan, alkogoldi ishimdikterge - 0,4 paıyz deńgeıinde  tirkeldi. Baǵanyń tómendeýi jarmalarǵa 4,4 paıyzǵa, qantqa, unǵa - 2,1paıyzdan, kúnbaǵys maıyna - 1,5 paıyzǵa, kartopqa - 0,5 paıyzǵa, kúrishke - 0,3 paıyzǵa, makaron ónimderine - 0,2 paıyzǵa belgilendi.

Baǵa qatty otynǵa, shyny jáne qysh buıymdaryna 0,7 paıyzǵa, kıim jáne aıaq kıimge, jeke kútimge arnalǵan taýarlarǵa - 0,5 paıyzǵa, farmatsevtıkalyq ónimderge - 0,3 paıyzǵa, jýǵysh jáne tazalaǵysh quraldarǵa - 0,2 paıyzǵa ósti.

Baǵa deńgeıi densaýlyq saqtaý, mektepke deıingi jáne bastaýysh bilim berý qyzmetterine 0,8 paıyzǵa, mádenıet - 0,5 paıyzǵa, shashtarazdar men jeke qyzmet kórsetý oryndary - 0,4 paıyzǵa joǵarylady, alys qashyqtyqqa qatynaıtyn jolaýshylardyń temir jol kóligi  1,2 paıyzǵa tómendedi.

Inflıatsııa deńgeıin sıpattaıtyn tutyný baǵasynyń ındeksi (TBI) halyqtyń jeke tutyný úshin satyp alatyn taýarlary men qyzmetteri baǵasynyń ózgerýin kórsetedi. Taýarlar men qyzmetter jıyntyǵyna 508 ustanym kiredi. Baǵany tirkeý menshiktiń túrli nysandaryndaǵy saýda jáne qyzmet kórsetý salasy kásiporyndarynyń irikteme júıesi boıynsha barlyq oblys ortalyqtarynda, Astanada jáne qalalar men aýdan ortalyqtarynyń belgilengen sheńberi boıynsha júrgiziledi.