Bıylǵy qańtar-tamyzda negizgi kapıtalǵa salynǵan ınvestıtsııalar kólemi 3363,6 mlrd. teńgeni qurady
ASTANA. 13 qyrkúıek. QazAqparat - 2013 jylǵy qańtar-tamyzda qysqa merzimdi ekonomıkalyq ındıkator ótken jyldyń osy kezeńimen salystyrǵanda 104,3 paıyzdy qurady. Bul týraly búgin Astanada ótken baspasóz máslıhatynda QR Satıstıka agenttiginiń tóraǵasy Álıhan Smaıylov málim etti.
«Bıylǵy qańtar-tamyzda negizgi kapıtalǵa salynǵan ınvestıtsııalar kólemi 3363,6 mlrd. teńgeni qurap, byltyrǵy sáıkes kezeńge qaraǵanda 2 paıyzǵa artyq. Ken óndirý ónerkásibinde jáne karelerdi qazýda óndiris kólemi 2,9 paıyzǵa, óńdeý ónerkásibinde 1,1 paıyzǵa, elektrmen jabdyqtaý, gaz, bý berý, sondaı-aq aýa baptaý salasynda 0,9 paıyzǵa artty. Budan bólek, sýmen jabdyqtaýda, káriz júıesi, qaldyqtardy jınaý men bólýdi baqylaýda óndiris 13,8 paıyzǵa tómendedi», - dedi agenttik basshysy.
