Bıylǵy qańtar-sáýirde eksport 18 mlrd dollar boldy – Rýslan Dálenov
«2019 jyly JІÓ ósimi 4,5 paıyzdy qurady, ınflıatsııa – 5,4 paıyz. Negizgi kapıtalǵa salynǵan ınfvestıtsııalar 8,5 paıyzǵa ósti. Jumyssyzdyq 4,8 paıyz deńgeıinde boldy. Eksport 58 mlrd dollardy qamtydy. Jalpy, syrtqy saýda aınalymy 96 mlrd dollarǵa jetti. Bul bizdiń 2019 jyldaǵy kórsetkishter», - dedi mınıstr onlaın rejımde halyq aldynda esep berý barysynda.
Onyń sózine qaraǵanda, karantındik sharalar aıasynda jyl basynan álemdik ekomıkada iskerlik belsendik deńgeıiniń baıaýlaǵany, sondaı-aq negizgi bırjalyq taýarlarǵa konıýnktýranyń tómendeýi baıqalýda.
«Bıylǵy 4 aıda eldiń áleýmettik-ekonomıkalyq damýy qorytyndylaryna toqtalyp ótpekpin. JІÓ 0,2 paıyzǵa tómendedi. Sonymen birge, taýar óndirisi 5,8 paıyzǵa ósti. Degenmen qyzmetter 4 paıyzǵa qysqardy», - dedi R. Dálenov.
Onyń sózine qaraǵanda, negizgi kapıtalda ınvestıtsııanyń ósimi naqty mánde 0,9 paıyzdy qurady. Bul byltyrǵy kórsetkishten tómen. Degenmen ósimniń ońtaıly artýy saqtalýda. Investıtsııa tartý baǵytynda jańa qadamdar eskerilýde.
«Bıylǵy qańtar-sáýirde eksport 18 mlrd dollar boldy. Jalpy, tórt aıdyń nátıjesinde qyzmet kórsetý sektorynyń baıaýlaýy turǵysynda JІÓ kólemi 0,2 paıyzǵa tómendedi», - dep túsindirdi mınıstr.
