Bıylǵy qańtar-naýryzda AHAT organdarynda 11 613 ajyrasý tirkeldi
ASTANA. 17 mamyr. QazAqparat - 2013 jyldyń qańtar-naýryzynda AHAT organdarynda 11 613 (2012j.- 10898) ajyrasý tirkeldi. 2012 jyldyń qańtar-naýryzymen salystyrǵanda olardyń sany 6,5%-ǵa ósti. Bul týraly QR Statıstıka agenttiginen habarlandy.
Ajyrasýlardyń absolıýttik sanynyń nekeler sanyndaı artýy, halyq sanynyń ósýine baılanysty. Ajyrasýlardyń 1000 adamǵa shaqqandaǵy jalpy koeffıtsıenti 2,8-di qurady. Aǵymdaǵy jyldyń birinshi toqsanynda 100 tirkelgen nekege 34 ajyrasýdan boldy.
Aldyńǵy jyldardyń birinshi toqsanynda 100 tirkelgen nekelerge sáıkesinshe: 2012 jyly - 33, 2011 jyly - 32, 2010 jyly - 34, 2009 jyly - 33, 2008 jyly- 30, 2007 jyly - 31 ajyrasýlardan keldi. Sońǵy 7 jylda ajyrasýlardyń ortasha sany 100 tirkelgen nekelerge 33-ti qurap, kórsetkishtiń turaqty dınamıkasyn kórsetedi.
Eger 2012 jyldyń birinshi toqsanynda 100 qıylǵan nekelerge - 33 ajyrasýdan bolsa, sondaı-aq 2011 jyldyń birinshi toqsanynda ajyrasýlar sany 33, ekinshi toqsanynda - 33 (34), úshinshi toqsanynda - 29 (26), tórtinshi toqsanynda - 29-dy (23) qurady.
«2012 jyly ajyrasýlardyń ortasha kórsetkishi - 31-di qurap, óz kezeginde bul kórsetkishtiń mezgildik aýytqýyn kórsetip otyr. Ol atalǵan nemese ózge jyldyń 3-4 toqsanynda tirkelgen nekelerdiń joǵarǵy úlesine baılanysty. Osylaısha, biz aǵymdaǵy jyly «rekordty» ajyrasýlar sany tirkeldi dep aıta almaımyz»,-delingen agenttik málimetinde.
Bir qaraǵanda, kóbinese BAQ-tarda kórsetilgendeı árbir úshinshi neke ajyrasýmen aıaqtalatyn sııaqty. Alaıda, bul qate tujyrym, óıtkeni osy ajyrasýlarda qarastyrylyp otyrǵan kezeńdegi ǵana emes, odan erterekte tirkelgen nekelerden ajyrasqandar da bar. Mysaly, aǵymdaǵy jyldyń qańtar-naýryzynda tirkelgen 11,6 myń ajyrasýdyń 44-i aǵymdaǵy jyly tirkelgen nekelerge tıesili (ıaǵnı 34 myń nekeniń ishinen). Ótken jyly tirkelgen 48,5 myń ajyrasýdyń ishinde tek 3 myń ajyrasý ǵana 2012 jyly tirkelgen nekelerdiń úlesinde.
2012 jyly bir jylǵa deıingi buzylǵan nekeler uzaqtyǵy boıynsha ajyrasýlardyń úlesi - 10,2%, 1-4 jyl - 30%, 5-9 jyl - 24,9%, 10-14 jyl - 11,5%, 15-19 jyl - 9,2%, 20 jyl jáne odan astam - 14,2% deńgeıinde qalyptasty.
