Bıylǵy qańtar-maýsymda qysqa merzimdi ekonomıkalyq ındıkatorynyń ósýi 104,1 paıyzdy qurady - QR Statıstıka agenttigi
ASTANA. 11 shilde. QazAqparat - Qysqa merzimdi ekonomıkalyq ındıkator 2013 jylǵy qańtar-maýsymda 2012 jylǵy sáıkes kezeńge qaraǵanda 104,1 paıyzdy qurdy. Bul týraly búgin Astanada ótken brıfıngte QR Statıstıka agenttiginiń tóraǵasy Álıhan Smaıylov málim etti.
2013 jylǵy qańtar-maýsymda negizgi kapıtalǵa salynǵan ınvestıtsııalar kólemi 2281,4 mlrd. teńgeni qurady, bul ótken jylǵy osy kezeńge qaraǵanda 7,9 paıyzǵa artyq.
- Atalǵan merzimde ónerkásip óndirisiniń kólemi qoldanystaǵy baǵalarda 8737,5 mlrd. teńgeni qurady, bul 2012 jylǵy qańtar-maýsymǵa qaraǵanda 1,8 paıyzǵa joǵary. Ken óndirý ónerkásibinde jáne karerlerdi qazýda óndiris kólemi 2,2 paıyzǵa, óńdeý ónerkásibinde 1,8 paıyzǵa, elektrmen jabdyqtaý, gaz, bý berý, sondaı-aq aýa baptaýda 0,5 paıyzǵa ósti. Sýmen jabdyqtaýda, káriz júıesi, qaldyqtardy jınaý jáne bólýdi baqylaýda óndiris 11,9 paıyzǵa tómendedi.
- 2013 jylǵy qańtar-maýsymda aýyl sharýashylyǵy jalpy óniminiń kólemi 510,3 mlrd. teńgeni qurady, naqty kóriniste, 2012 jylǵy qańtar-maýsymdaǵy deńgeıden 1,4% artyq.
