Bıylǵy qańtar-qyrkúıektegi bólshek saýda kólemi 4 179,9 mlrd. teńgege jetti
ASTANA. QazAqparat - 2014 jylǵy qańtar-qyrkúıektegi bólshek saýda kólemi ótken jylǵy tıisti kezeńmen salystyrǵanda 12,2 paıyzǵa joǵarylap, 4 179,9 mlrd. teńgege jetti. Bul týraly búgin Astanadaǵy baspasóz máslıhatynda QR Ulttyq ekonomıka mınıstrligi Statıstıka komıtetiniń tóraǵasy Álıhan Smaıylov málim etti.
Belgili bolǵandaı, 2014 jylǵy qańtar-qyrkúıekte saýda kásiporyndary arqyly taýarlardy ótkizý kólemi 2013 jylǵy osy kezeńge qaraǵanda 2 270,4 mlrd. teńgeni qurady nemese naqty máni 15,1 paıyzǵa artyq.
«2014 jylǵy qańtar-qyrkúıekte bazarlarmen jáne jeke kásipkerlermen saýda kólemi ótken jyldyń tıisti kezeńimen salystyrǵanda naqty máni 9,1 paıyzǵa joǵarylady, atalǵan ótkizý arnasynyń úlesi bólshek saýdanyń jalpy kóleminde 45,7 paıyzdy qurady»,- delingen komıtet málimetinde. Bólshek saýda qurylymynda azyq-túlik emes taýarlar basym (bólshek saýdanyń jalpy kólemine 65,4%). Azyq-túlik emes taýarlardyń bólshek saýdada ótkizilýi ótken jyldyń tıisti kezeńimen salystyrǵanda 13,3 paıyzǵa ósti, azyq-túlik taýarlar - 10,4 paıyzǵa ulǵaıdy. Bólshek saýdanyń jalpy kólemindegi asa joǵary úles salmaqty 2014 jyly qańtar-qyrkúıekte respýblıkada Almaty qalasy (27,6%), Astana qalasy (10,5%) jáne Qaraǵandy oblysy (9,6%) qamtydy.
