Bıylǵy qańtar-qazanda respýblıka halqynyń tabıǵı ósimi 215,9 myń adamǵa jetti
ASTANA. 13 jeltoqsan. QazAqparat - 2013 jylǵy 1 qarashadaǵy jaǵdaı boıynsha elimizdegi halyq sany 17 125,0 myń adamǵa jetti, sonyń ishinde qalalyqtar - 9 422,0 myń (55%), aýyldyqtar - 7 703,0 myń adamdy (45%) qurady. 2013 jyldyń basymen salystyrǵanda halyq sany 215,2 myń adamǵa nemese 1,3%-ǵa ósti.
Bul týraly QR Statıstıka agenttiginen habarlady.
Bıylǵy qańtar-qazanda respýblıka halqynyń tabıǵı ósimi 215,9 myń adamdy (2012j. qańtar-qazanda - 203,9 myń adam) qurady. 1000 adamǵa shaqqandaǵy tabıǵı ósimniń jalpy koeffıtsıenti 15,2 (14,6) adamdy qurady.
Atalǵan merzimde AHAT organdarynda 331,7 myń týylǵandar tirkeldi, bul byltyrǵy qańtar-qazanmen salystyrǵanda 2,4%-ǵa arttyq. 1000 adamǵa shaqqandaǵy týýdyń jalpy koeffıtsıenti 23,37 týǵandardy qurady.
Qarastyrylyp otyrǵan kezeńde ólgender sany 115,8 (119,9) myń adamdy qurady nemese 2012j. qańtar-qazanǵa qaraǵanda 3,4%-ǵa kem. 1000 adamǵa shaqqandaǵy ólimniń jalpy koeffıtsıenti 8,16 ólgenderdi qurady.
Bıylǵy qańtar-qazanda respýblıkada 1 jasqa deıingi 3731 (2012 j. qańtar-qazanda 4427) náreste ólimi tirkeldi. 2012 j. qańtar-qazanmen salystyrǵanda 1 jasqa deıingi shetinegen náreste sany 15,7% azaıdy. Náreste ólimniń negizgi sebebi perınataldyq kezeńde paıda bolatyn jaǵdaılar bolyp tabylady.
