Bıylǵy qańtar-qazan aılaryndaǵy bólshek saýda byltyrǵymen salystyrǵanda 12,7 paıyzǵa joǵarylady
ASTANA. 11 qarasha. QazAqparat /Qanat Mámetqazyuly/ - 2011 jylǵy qańtar-qazanda bólshek saýda kólemi ótken jylǵy tıisti kezeńmen salystyrǵanda 12,7 paıyzǵa joǵarylap, 2 881,9 mlrd. teńgege jetti.
Aǵymdaǵy jylǵy qazanda 2010 jylǵy qazanmen salystyrǵanda taýarlardy bólshek saýdada ótkizý kólemi de 12,7 paıyzǵa joǵarylady. Bul týraly Statıstıka agenttiginen habarlandy.
Statıstıka agenttiginiń málimetterine súıensek, 2011 jylǵy qańtar-qazanda saýda kásiporyndary arqyly taýarlardy ótkizý kólemi 2010 jylǵy qańtar-qazanǵa qaraǵanda 1 477,6 mlrd. teńgeni qurady nemese bul byltyrǵyǵa 6,3 paıyzǵa artyq. Sonymen qatar, 2011 jylǵy qańtar-qazanda bazarlarmen jáne jeke kásipkerlermen saýda kólemi ótken jyldyń tıisti kezeńimen salystyrǵanda 20,5 paıyzǵa joǵarylaǵan. Atalǵan ótkizý arnasynyń úlesi bólshek saýdanyń jalpy kóleminde 48,7 paıyzdy qurady. Budan bólek, bólshek saýda qurylymynda azyq-túlik emes taýarlar basym bolyp otyr, bul bólshek saýdanyń jalpy kólemine 63,7 paıyzdy quraǵan. Azyq-túlik emes taýarlardyń bólshek saýdada ótkizilýi ótken jyldyń tıisti kezeńimen salystyrǵanda 11,3 paıyzǵa, azyq-túlik taýarlary - 15,7 paıyzǵa ulǵaıǵan.
