Bıylǵy qańtar-qarashada bólshek saýda kólemi 4427,8 mlrd. teńgeni qurady - QR Statıstıka agenttigi
ASTANA. 14 jeltoqsan. QazAqparat - 2013 jylǵy qańtar-qarashada bólshek saýda kólemi (qoǵamdyq tamaqtandyrý aınalymynsyz) 4427,8 mlrd. teńgeni qurap, 2012 jylǵy qańtar-qarashamen salystyrǵanda 12,6% ósti. Bul týraly QR Statıstıka agenttiginiń málimetinde habarlandy.
Sonymen qatar atalǵan merzimde kóterme saýda kólemi 12203,6 mlrd. teńgege jetip, byltyrǵy qańtar-qarashamen salystyrǵanda 12,5% artty.
«2013 jylǵy qańtar-qarashada tamaq ónimderi men sýsyndardy usyný boıynsha qyzmetter kólemi 208,1 mlrd. teńgeni qurady jáne 2012 jylǵy qańtar-qarashamen salystyrǵanda 7,2% ósti», - delingen agenttik málimetinde.
Buǵan qosa, 2013 jylǵy qańtar-qarashada «Saýda» salasy boıynsha naqty kólem ındeksi 112,6%-dy qurdy.
Atap aıtqanda 2013 jylǵy qańtar-qazanda syrtqy saýda aınalymy 108519,8 mln. AQSh dollaryn qurap, byltyrǵy osy kezeńmen salystyrǵanda 1,5% az, onyń ishinde eksport - 69066 mln. AQSh dollaryn (4,9% az), ımport - 39453,8 mln. AQSh dollaryn qurady (5,1% ósti).
