Bıylǵy I toqsanda óndiristegi jazataıym oqıǵalar saldarynan 310 adam zardap shekti

NUR-SULTAN. QazAqparat – Eńbek, áleýmettik qorǵaý jáne kóshi-qon komıtetiniń deregi boıynsha, 2021 jyldyń qańtar-naýryz aılarynda óndiristegi jazataıym oqıǵalardyń saldarynan 310 adam zardap shekti, dep habarlaıdy QazAqparat QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.

Bul rette oqys oqıǵalar saldarynan qaza tapqandardyń sany tórtten birge qysqardy: aǵymdaǵy jyly – 38 adam, al 2020 jyldyń I toqsanynda – 51 adam.

Óndiristik jaraqattanýdyń joǵary deńgeıi Qaraǵandy (65 adam zardap shekti), Shyǵys Qazaqstan (34 adam), Aqtóbe (29 adam), Qyzylorda (22 adam), Qostanaı (21 adam), Túrkistan (18 adam) jáne Batys Qazaqstan (17 adam) oblystarynda saqtalýda.

Birqatar óńirde I toqsanda óndiristegi jazataıym oqıǵalar saldarynan zardap shekkender sany Aqtóbe oblysynda 25-ten 29 adamǵa deıin, Atyraý oblysynda 6-dan 10 adamǵa deıin, Qyzylorda oblysynda 14-ten 22 adamǵa deıin jáne Pavlodar oblysynda 13-ten 15 adamǵa deıin ósti.

Jazataıym oqıǵalar saldarynan qaza bolǵandar sany 2020 jyldyń uqsas kezeńimen salystyrǵanda Aqtóbe (4-ten 7 adamǵa deıin), Jambyl (2-den 4 adamǵa deıin), Qyzylorda (3-ten 6 adamǵa deıin), Batys Qazaqstan (2-den 3 adamǵa deıin) oblystarynda kóbeıdi.