Bıylǵy epıdmaýsym aldynda tumaýǵa qarsy 1,2 mln.-nan astam vaktsına dozasy satyp alyndy - J.Bekshın
ASTANA. QazAqparat - 2014-2015 jyldyń epıdemııalyq maýsymy aldynda tumaýǵa qarsy 1,2 mln.-nan astam vaktsına dozasy 874 mln. teńgege satyp alyndy. Bul týraly QR Ulttyq ekonomıka mınıstrligi Tutynýshylar quqyǵyn qorǵaý komıteti tóraǵasynyń orynbasary - elimizdiń bas sanıtarlyq dárigeri Jandarbek Bekshın aıtty.
«2014-2015 jyldyń epıdemııalyq maýsymy aldynda tumaýǵa qarsy 1,2 mln.-nan astam vaktsına dozasy 874 mln. teńgege satyp alyndy. Byltyr 549 mln.teńgege 798 myń doza alǵan bolatynbyz. Memlekettik bıýdjet qarajatyna juqpaly aýrýlarǵa shaldyǵý qaýpi eń kóp áleýmettik toptar - sozylmaly ókpe, júrek-qan tamyrlary aýrýlarymen aýyratyn, ımmýnıteti nashar jáne jıi aýyratyn balalar, medıtsına qyzmetkerleri men júkti áıelder egiledi», - dedi J.Bekshın tumaý jáne JRVI aýrýlarynyń maýsymdyq beleń alýyna arnalǵan brıfıngte.
Onyń aıtýynsha, vaktsınany tólemdi túrde alýǵa da bolady.
«Tumaýǵa qarsy aqyly vaktsınatsııa jekemenshik ortalyqtarda, emhanalardyń ekpe kabınetterinde júrgiziledi. Onyń quny ár óńirde 2200 teńgeden 3000 teńgege deıin bolady», - dep atap ótti J.Bekshın.
Bas sanıtar dárigerdiń málimetinshe, jyl saıyn Qazaqstanda tumaý men JRVI aýrýyn 600-den 1 mln. adamǵa deıin juqtyrady, ıaǵnı bul el halqynyń 3,5-nan 10%-ǵa jýyǵy degen sóz.
Aıta keteıik, vaktsına egilgennen keıin 14 kúnnen soń kúshine enedi, onyń qorǵanysh belsendiligi 6-dan 12 aıǵa deıin sozylady.
