Bıylǵy ekonomıkanyń ósimine turaqty makroekonomıkalyq jaǵdaı yqpal etti - E. Dosaev
ASTANA. 26 jeltoqsan. QazAqparat - Qurylysqa tartylǵan ınvestıtsııalar 254,2 mıllıard teńgeni qurady. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda QR Ekonomıka jáne bıýdjettik josparlaý mınıstri Erbolat Dosaev málim etti.
«Álemdik ekonomıka ósiminiń baıaýlaýyna qaramastan, Qazaqstannyń Jalpy ishki ónimi qańtar-qarashada 6 paıyzǵa ósti. Jalpy alǵanda bul bizdiń boljamdarǵa sáıkes keledi», - dedi mınıstr.
Onyń sózine qaraǵanda, ekonomıkanyń ósimine turaqty makroekonomıkalyq jaǵdaı yqpal etti. Aǵymdaǵy jyldyń qarashasynda 2012 jyldyń sáıkes aıymen salystyrǵanda ınflıatsııa 4,7 paıyzdy qurady.
Atap aıtqanda, 2013 jyldyń qorytyndysy boıynsha ınflıatsııa 5 paıyz bolady dep kútilýde.
Qurylys jumystarynyń kólemi 11 aıda 2,9 paıyzǵa ósti. Qurylysqa tartylǵan ınvestıtsııalar 254,2 mıllıard teńgeni qurap, 13,8 paıyzǵa artty.
