Bıylǵy eki aıda Qazaqstanda mashına qurastyrý kólemi artty

ASTANA. QazAqparat - Bıylǵy qańtar-aqpan aılarynda ónerkásipte 7134 mlrd teńgege ónim óndirildi. Onyń ishinde ken óndirý salasynda – 3411 mlrd teńgege (jalpy kólemnen 47,8%), óńdeýde salasynda – 3132 mlrd teńgege (43,9%). QazAqparat bul týraly Ulttyq statıstıka bıýrosyna silteme jasap habarlaıdy.

Taý-ken óndirý ónerkásibi jáne karerlerdi qazýda óndiris – 0,5%, óńdeý ónerkásibinde – 2,5%, elektr energııasymen, gazben, býmen, ystyq sýmen qamtýda jáne aýa baptaýda – 4,6%, qaldyqtardy jınaý, óńdeý jáne joıý, lastanýdy joıý jónindegi qyzmette 3,2% artty.

Sondaı-aq tabıǵı gaz óndirisi – 101,1%, kender (temirdi qospaǵanda) – 107,6%, ózge de paıdaly qazbalar 112,9% artty.

Óńdeý ónerkásibinde esepti kezeńde 2022 jylǵy sáıkes kezeńmen salystyrǵanda ónerkásip óndirisiniń ındeksi 102,5% qurady. Óndiris ósimi tamaq ónimderine – 9,6%, sýsyndarǵa – 22,6%, munaıdyń óńdelgen ónimderine – 6,5%, rezeńke jáne plastmass buıymdaryna – 9,4% tirkeldi. Sondaı-aq negizgi farmatsevtıkalyq ónimder men farmatsevtıkalyq preparattar óndirý – 16,7%, mashına qurastyrý 31,5% artty.

Óndiris kólemi respýblıkanyń 13 óńirinde artqan. Tómen qarqyn Aqtóbe, Batys Qazaqstan, Qaraǵandy, Qostanaı, Qyzylorda, Shyǵys Qazaqstan oblystarynda jáne Astana qalasynda baıqaldy.