Bıylǵy eki aıda 150 myńǵa jýyq azamat Emdeýge jatqyzý bıýrosynyń qyzmetimen paıdalandy
ASTANA. 29 naýryz. QazAqparat - 2012 jyldyń 2 aıy ishinde 150 myńǵa jýyq qazaqstandyqtar Emdeýge jatqyzý bıýrosynyń qyzmetimen qoldandy. Bul jaıynda densaýlyq saqtaýdy damytýdyń respýblıkalyq ortalyǵynyń baspasóz qyzmeti habarlady.
Jergilikti oryndarda 129711 adam nemese 87,3 paıyzy emdeýge jatqyzylyp, aldyńǵy jyldyń kórsetkishinen 6,1 paıyzǵa asyp tústi. Emdeýge jatqyzýdyń joǵary kórsetkishteri Qostanaı, Jambyl, Batys Qazaqstan men Pavlodar oblystarynda tirkeldi.
Aýyldyq jerlerden kelgen naýqastardy emdeýge jatqyzý kólemi - 43,7 paıyzdy qurady, bul aldyńǵy jylǵy kórsetkishten 3,1 paıyzǵa artyq.
Statıstıkanyń kórsetkishteri boıynsha qazaqstandyqtardyń kóp bóligi, ıaǵnı 84,6 paıyzy jergilikti aýrýhanalarda emdelýdi qalaıdy eken. Respýblıkalyq aýrýhanalar men Ǵylymı zertteý ınstıtýttardy naýqastardyń 14,1 paıyzy, aımaqaralyq deńgeıdegi aýrýhanalardy naýqastardyń 1,4 paıyzy tańdady.
Biryńǵaı densaýlyq saqtaý júıesiniń bir bóligi bola turyp «Emdeýge jatqyzý Bıýrosy» qazirgi tańda statsıonar, aýrýhana men naýqastar arasyndaǵy ortalyqtanǵan baılanysty qamtamasyz etedi. Bul kórsetiletin medıtsınalyq qyzmetterdiń qol jetimdiligin jáne ashyqtyǵyn qamtamasyz etip, sonymen qatar naýqastarǵa medıtsınalyq uıymdardy óz erkimen tańdaý múmkindigin beredi.
«www.bg.eisz.kz» saıtynda qazaqstandyqtar aýrýhanalardaǵy bos oryndar jaıly aqparatty jáne óz kezegin baqylaı alady.
