Bıylǵy egin oraǵy naýqany qıynǵa túsedi - QR AShM
ASTANA. 13 tamyz. QazAqparat - Bıyl egin oraǵy naýqany qıynǵa túsedi. Bul týraly búgin Úkimet otyrysynan keıin QR Aýyl sharýashylyǵy mınıstri Asyljan Mamytbekov málim etti.
«Astyq shyǵymdylyǵy jaqsy bolatyny kórinip tur, sondaı-aq ony ony orý naýqany ońaıǵa túspeıtin sekildi», - dedi mınıstr. Osy oraıda ol aýa raıynyń ylǵaldy bolýyna baılanysty astyqtyń pisip-jetilýi merzimi sozylatynyn aıtyp ótti.
«Qazirgi kezde ylǵaldyń kóp bolýy keri áser etýde. Endi, aýa raıy turaqtanyp, astyq shyǵyny barynsha tómen bolady dep úmittenemiz»,-dedi vedomstvo basshysy.
Sóz sońynda A. Mamytbekov egin oraǵy naýqany qarsańynda barlyq jabdyqtar, onyń ishinde astyq keptiretin qurylǵylar tolyq ázirlikte turýy úshin jazdyń basynda mınıstrlik aýyl sharýashylyǵy taýarlaryn óndirýshilerdi eskertkenin sóz etti.
Aıta keteıik, jaqynda QR Aýyl sharýashylyǵy vıtse-mınıstri Músilim Ómirııaev búgingi kúnge 67 paıyzdan astam egistik jaqsy, 30 paıyzdan astamy qanaǵattanarlyq jaǵdaıda turǵanyn, osyǵan baılanysty jalpy 16,3 mln. tonna taza salmaqta astyq jınaý boljanyp otyrǵandyǵyn aıtqan bolatyn.
