Bıylǵy bıýdjetten týrızm jáne buqaralyq sport salasyn damytýǵa qosymsha 3,6 mlrd. teńge bólinetin bolady
Bul týraly «2012-2014 jyldarǵa arnalǵan respýblıkalyq bıýdjet týraly» QR zańyna ózgerister men tolyqtyrýlar engizý týraly» zań jobasynda qamtylyp otyr.
«Onyń ishinde Astana qalasynyń respýblıkalyq velotregin salý boıynsha mindettemelerin tóleýge 1,6 mlrd. teńge bólinetini qarastyrylyp otyr. Budan basqa, respýblıkalyq týrızm júıesi negizinde, sonymen birge Almaty qalasynyń taýly shańǵyly aımaǵyn, Býrabaı kýrorttyq aımaǵyn, Kendirli jáne Shyǵys Qazaqstan oblysyndaǵy jetekshilik konsaltıngtik kompanııalardy tarta otyryp, týrızmdi damytýdyń júıeli josparyn ázirleýge 1,3 mlrd. teńge jumsaý kózdeledi», - deıdi Qarjy mınıstri Bolat Jámishev.
Onyń aıtýynsha, 2012 jylǵy bıýdjette ártúrli shuǵyl jáne jedel is-sharalarǵa ýaqytyly den qoıý úshin Úkimet rezervin 32,5 mlrd. teńge somaǵa ulǵaıtý usynylyp otyr. Al elimizdiń syrtqy saıasat salasynda aǵymdaǵy jylǵy bıýdjetten qosymsha 2 mlrd. teńge qarastyrylady.