Bıylǵy birinshi toqsandaǵy elimizdegi ІJÓ-niń ósimi 6,5 paıyz boldy - Q.Kelimbetov
ASTANA. 26 sáýir. QazAqparat /Rýslan Ǵabbasov/ - Aldyn ala jasalǵan baǵam boıynsha, bıylǵy birinshi toqsandaǵy elimizdegi ІJÓ-niń ósimi 6,5 paıyz boldy.
Bul týraly búgin Úkimet otyrysynda Ekonomıkalyq damý jáne saýda mınıstri Qaırat Kelimbetov málim etti.
«Qysqa merzimdi ekonomıkalyq ındıkator 7,1 paıyzdy qurady»,-dedi vedomstvo basshysy.
Atap aıtqanda, esepti kezeńde ónerkásiptik óndiris kólemi 6 paıyzǵa, óńdeý sektoryndaǵy ósý qarqyny 8 paıyzǵa, al ken óndirý salasyndaǵy ósim 5 paıyzǵa jetti. Mınıstrdiń sózine qaraǵanda, 2011 jyldyń birinshi toqsanynda otandyq ekonomıkanyń damý úrdisiniń oń qarqyny saqtaldy.
