Bıylǵy birinshi toqsanda JІÓ 4,5 paıyzǵa ósti - E.Dosaev
ASTANA. 23 sáýir. QazAqparat - Aǵymdaǵy jyldyń birinshi toqsanynda jalpy ishki ónim 4,5 paıyzǵa ósti.
Bul týraly búgin Úkimettiń 2013 jyldyń birinshi toqsanyndaǵy áleýmettik-ekonomıkalyq damý qorytyndylaryna arnalǵan Úkimet otyrysynda Ekonomıka jáne bıýdjettik josparlaý mınıstri Erbolat Dosaev aıtty.
Mınıstrdiń atap ótýinshe, álemdik ekonomıka men syrtqy naryqtardaǵy belgisizdikterge qaramastan 2013 jyldyń qańtar-naýryzynda Qazaqstan ekonomıkasynyń oń ósimi qamtamasyz etildi.
«Aldyn ala baǵalaý boıynsha, eldiń jalpy ishki ónimi birinshi toqsanda 4,5 paıyzǵa ósti. Ekonomıkanyń 6 negizgi salasy boıynsha qysqa merzimdi ekonomıkalyq ındıkator 103,7 paıyzdy qurady»,-dedi ol.
E. Dosaevtyń paıymynsha, ekonomıkanyń ósýine turaqty makroekonomıkalyq ahýal septigin tıgizgen.
