Bıylǵy bilim berý qarsańynda 10204 bilim berý mekemelerin qysqy jylý berý maýsymyna daıyndaý josparlanǵan - S.Nokın
ASTANA. Shildeniń 20-sy. QazAqparat /Rýslan Ǵabbasov/ - Bıylǵy bilim berý qarsańynda 10204 bilim berý mekemelerin qysqy jylý berý maýsymyna daıyndaý josparlanǵan. Búginde olardyń 4800-den astamy daıyndyqtan ótti. Osy jaıynda búgin Úkimet otyrysynda aldaǵy jylý berý maýsymyna daıyndyq boıynsha baıandama jasaǵan Qurylys isteri jáne turǵyn úı-kommýnaldyq sharýashylyǵy agenttiginiń tóraǵasy Serik Nokın málim etti.
Onyń aıtýynsha, bilim berý mekemeleriniń ortasha daıyndyq deńgeıinen Atyraý, Aqtóbe, Qostanaı, Aqmola, Qyzylorda oblystary men Astana qalasy alda kele jatyr.
Daıyndyqtyń tómengi deńgeıi OQO jáne ShQO-da, sondaı-aq Almaty qalasynda tirkelgen.
Munymen qosa, respýblıka boıynsha jylý berý maýsymyna deıin 7195 densaýlyq saqtaý nysandary daıyndyqtan ótýi tıis. Qazirgi kezde onyń 4459-ynda tıisti daıyndyq jumystary iske asyrylǵan.
