Bıylǵy bes aıda elordada 12 myńnan astam náreste dúnıege keldi
NUR-SULTAN. QazAqparat – Jyl basynan beri astanada 12 myńnan astam sábı dúnıege kelgen. Mundaı derekterdi Ulttyq statıstıka bıýrosy jarııalady, dep habarlaıdy QazAqparat tilshisi.
«1 maýsymdaǵy esep boıynsha Nur-Sultan qalasy halqynyń sany 1 262 280 adamdy qurady. 2021 jylǵy sáıkes kezeńmen salystyrǵanda elordalyqtar sany 59 619 adamǵa kóbeıdi. Bıylǵy 5 aıda Nur-Sultan qalasynda 12 052 náreste dúnıege keldi. Byltyrmen salystyrǵanda ósim 1,5 paıyzǵa artty», - dep málimdedi Ulttyq statıstıka bıýrosy.
Budan bólek, bıýro bas shahardaǵy kóshi-qon derekterimen de bólisti. Oǵan saı, qańtar-mamyr aralyǵynda Nur-Sultanǵa 54 863 adam kelip, 42 048 elordalyq kóship ketken.
Eske salaıyq, jyl basynan beri Qazaqstanǵa 6 myńnan astam adam kóship kelgen.
