Bıylǵy bes aıda baspana saýdasynda 58 myńnan astam kelisim jasaldy
ASTANA. QazAqparat - 2014 jylǵy qańtar-mamyrda turǵyn úıdi satyp alý-satý mámileleriniń sany 58 526 qurady. Bul týraly QR Statıstıka agenttiginen habarlandy.
Atap aıtqanda, 2014 jylǵy mamyrda elimiz boıynsha turǵyn úıdi satyp alý-satýda tirkelgen kelisimder sany 11 971-ni qurady. Bul kórsetkish ótken aımen salystyrǵanda 9,2 paıyzǵa azaıdy.
«2014 jylǵy qańtar-mamyrda turǵyn úıdi satyp alý-satý mámileleriniń sany ótken jylǵy tıisti kezeńmen salystyrǵanda 14,2 paıyzǵa tómendedi», - delingen agenttik málimetinde.
Ótken aıda turǵyn úı saýdasyndaǵy kelisimderdiń basym bóligi Almaty qalasynda (1 504), ShQO-da (1 263), Qaraǵandy oblysynda (1 213), Almaty oblysynda (1 069) jáne OQO-da (1 047) tirkeldi. Osy merzimde Astanadaǵy sharttardyń sany 661-di qurady.
