Bıylǵy bes aıda 5 myńnan astam elordalyq jumyspen qamtyldy

NUR-SULTAN. QazAqparat – Jyl basynan beri 5 myńnan astam elordalyq jumyspen qamtyldy. Bul týraly jartyjyldyqty qorytyndylaǵan Nur-Sultan qalasy ákimdigi halyqty jumyspen qamtý ortalyǵynyń dırektory Azamat Baıtasov málim etti, dep habarlaıdy QazAqparat tilshisi.

«Osy jyldyń 1 shildesine deıin jumyspen qamtý ortalyǵy 5500 azamatty jumyspen qamtydy. Onyń ishinde turaqty qyzmetke 2804 adam ornalasty. Bul jyldyq jospardyń 39 paıyzyn qurap tur. Qoǵamdyq jumystarǵa 2046 azamatty joldadyq. Bul baǵytta jyldyq jospar 100 paıyzǵa oryndaldy. Jastar praktıkasy boıynsha jyldyń basynan beri 270 elorda turǵyny jumyspen qamtyldy. Bul baǵdarlama boıynsha jyldyń sońyna deıin taǵy 998 adam qyzmetke ornalasady», - dedi dırektor.

Azamat Baıtasovtyń málimetinshe, bıylǵy bes aıda jańa bıznes ıdeıalardy iske asyrýǵa nıetti 5 adamǵa grant berilgen. Al jyl sońyna deıin osyndaı 350 azamatqa grant bólinedi. Sondaı-aq, bıyl jańa bıznes ıdeıalaryn iske asyratyn azamattarǵa beriletin grant somasy ósken.

Azamat Baıtasovtyń málimetinshe, búginde azamattarǵa 1,2 mln teńge kóleminde qarjy usynylady.