Bıylǵy astyqtyń ortasha ónimdiligi qandaı

NUR-SULTAN. QazAqparat – Elimiz aýmaǵynda astyq alańynyń 88,3 paıyzy jınaldy, dep habarlaıdy QazAqparat tilishisi.

«Bıylǵy 18 qyrkúıektegi jaǵdaı boıynsha respýblıka kóleminde barlyǵy 13,9 mln gektar dándi jáne dándi-burshaqty daqyldar jınaldy. Bul respýblıka boıynsha jalpy jınaý alańynyń 88,3 paıyzy. Ótken jyldyń sáıkes kezeńinde 8,2 mln gektar nemese 54 paıyzy jınalǵan», - delingen QR Aýyl sharýashylyǵy mınıstrligi baspasóz qyzmetiniń «QazAqparatqa» bergen málimetinde.

Bıyl 12,1 ts/ga ortasha ónimdilik kezinde 16,9 mln tonna astyq bastyryldy. 2019 jyly osy kezde 9 mln. tonna jınalǵan edi.

Budan buryn habarlanǵandaı, barlyq qabyldanǵan sharalar esebinen bıylǵy astyqtyń boljamdy jalpy jınalymy 18 mln tonna deńgeıinde josparlanyp otyr.