Bıylǵy astyq sapasy birshama joǵary - QR AShM

ASTANA. QazAqparat - Aǵymdaǵy jyly Qazaqstan býnkerlik salmaqta 17 mln. tonna astyq bastyrady. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte Aýyl sharýashylyǵy mınıstrligi Agroónerkásip keshenindegi memlekettik ınspektsııa komıtetiniń tóraǵasy Saqtash Qasenov málim etti.

«Ótken jylǵa qaraǵanda, astyqtyń sapasy birshama jaqsy. Qazir elevatorlarymyzǵa 1700 tonna astyq tapsyrylǵan. Onyń 85-90 paıyzy úshinshi sanatqa jatady»,- dedi S.Qasenov.

Komıtet tóraǵasynyń atap ótýinshe, degenmen aǵymdaǵy jyly ótken jylmen salystyrǵanda egin shyǵymy gektaryna 1,2 tsentnerge tómen bolyp otyr. Tek 3 oblysta ǵana astyq shyǵymy birshama joǵary boldy.

«Soltústik Qazaqstanda gektaryna 17,7, Aqmola oblysynda 11,7, Qostanaı oblysynda 10 tsentnerden astyq alynýda. Osy derekterdi eskerer bolsaq, buǵan deıin málim etkenimizdeı, bıyl 17 mln. tonna astyq alatyn múmkindigimiz bar», - dedi ol.