Bıylǵy astyq egisiniń 99 paıyzy jınaldy
ASTANA. Qazannyń 5-i. QazAqparat /Rýslan Ǵabbasov/ - Bıyl elimizdegi astyq egisiniń 99 paıyzy jınaldy. Bul týraly búgin Úkimet otyrysynan keıingi jýrnalısterge Aýyl sharýashylyǵy mınıstri Aqylbek Kúrishbaev aıtty.
«Búginde býnkerlik salmaqta 13,5 mln. tonna astyq jınaldy. Atap aıtqanda, astyq egisiniń 99 paıyzy jınaldy», dedi mınıstr.
A. Kúrishbaevtyń sózine qaraǵanda, egistiń orylmaǵan shamaly bóligi Shyǵys Qazaqstan, Pavlodar, Almaty jáne Qyzylorda oblystarynda qalǵan.Mınıstr jaqyn arada egis alqaptaryndaǵy jumys tolyǵymen aıaqtalatynyn aıtyp ótti.
