Bıylǵy aptap ystyq Reseıde adam ólimin kóbeıtti
ASTANA. Qazannyń 26-sy. QazAqparat - Reseıde bıylǵy jazdaǵy aptap ystyq, byltyrǵy jylmen salystyrǵanda, adam óliminiń 55,8 myń adamǵa artýyna sebep boldy, delingen RF Ekonomıkalyq damý mınıstrliginiń arnaıy baıandamasynda. Bul týraly «RIA «Novostı» agenttigi» habarlap otyr.
«Reseı Federatsııasynda buryn-sońdy bolmaǵan ystyq aýa raıyna, tabıǵı orman órtteri men sonyń saldarynan oryn alǵan kók tútinniń saldarynan, ótken jyldyń sáıkes kezeńimen salystyrǵanda, shilde aıynda - 14,5 myńǵa, tamyz aıynda - 41,3 myńǵa kóp adam kóz jumdy», - delingen baıandamada.
Bıylǵy jaz aılarynda Reseıde aptap ystyqtyń jáne qurǵaqshylyqtyń saldarynan 1 mıllıondaı gektar aýmaqta 30 myńǵa jýyq orman órtteri tirkeldi. 62 adam qaza boldy, 2,5 myńdaı úı órtenip ketti. Máskeýlikter qala irgesindegi orman órtteriniń kók tútinine birneshe apta boıy tunshyqty.
