Bıylǵy «Altyn globýs» ıegerleri anyqtaldy

ASTANA. QazAqparat - Los-Anjeleste «Altyn globýs» marapatynyń 80-shi rásimi ótti. Onda rejısser Stıven Spılberg pen aktrısa Keıt Blanshett jáne akter Ostın Batler jeńiske jetti, dep habarlaıdy QazAqparat VVS agenttigine silteme jasap.

Stıven Spılberg «Fabelmandar» (The Fabelmans) fılmi úshin úzdik rejısser atandy.

Fılmde Gollıvýd rejısseriniń balalyq jáne jastyq shaǵy jaıynda aıtylǵan. Kartına úzdik kınofılm nomınatsııasynda da jeńiske jetti.

Keıt Blanshett «Tar» fılminde Berlın fılarmonııa orkestriniń dırıjeri róli úshin úzdik áıelder rólinde «Altyn globýsty» ıelendi.

Aktrısa marapattaý rásimine qatysa almady, óıtkeni ol qazir Ulybrıtanııada kınoǵa túsip jatyr.

Ostın Batler Elvıs Preslı týraly «Elvıs» (Elvis) fılminde úzdik erler róli úshin premııa ıegeri atandy.

«Komedııa/mıýzıkl» sanatynda úzdik erler róli ataǵyn ırlandyq akter Kolın Farell «Inısherın banshıi» (The Banshees of Inisherin) fılmi úshin aldy.

Bul kınonyń stsenarıı avtory Martın Makdona da «Altyn globýs» ıelendi.

«Komedııa/mıýzıkl» sanatynda úzdik áıelder rólin somdaǵan Mıshel Ieo «Barlyq jerde birden» (Everything Everywhere All At Once) fılmi úshin marapatqa ıe boldy.

Meksıkalyq rejısser Gılermo del Toronyń «Pınokkıo» mýltfılmi úzdik dep tanyldy.

Úzdik teleserıal ataǵyn «Taqtar talasynyń» prıkveli - «Aıdaharlar úıi» (House of the Dragon) telehıkaıasy jeńip aldy.

Foto: Chris Pizzello/ Invision/AP