Bıylǵy «Almaty týry» velododasynyń ótkiziletin ýaqyty ózgerdi
ALMATY. QazAqparat - «Almaty týry – 2019» velododasynyń ótkiziletin ýaqyty qyrkúıek aıynyń sońynan 30-31 tamyz kúnderine aýystyryldy, dep habarlaıdy QazAqparat Qazaqstannyń velosport federatsııasyna silteme jasap.
«Almaty týry - 2019» jarysyna ár túrli dárejedegi 21 halyqaralyq velosıped komandalary qatysady. Olardyń arasynda Astana Pro Team-da bar.
«Bıylǵy jyly velojarys kúntizbede qyrkúıek aıynyń sońynan 30-31 tamyz kúnderine aýystyryldy. Bul básekelestikti arttyryp, elimizdiń eń iri qalasynyń kóshelerindegi keptelisti azaıtady», delingen habarlamada.
Velojarystyń 1-kezeńiniń baǵyty «Almaty Arenadan» bastalyp, «Indýstrıaldy park» arqyly ótip, qaıta «Almaty Arenada» máresine jetpek. Buǵan deıin osy jol baǵyty boıynsha Qazaqstan chempıonaty ótken bolatyn. Jáne shabandozdardyń aıtýy boıynsha bul 118 shaqyrymdyq jarys baǵyty ońaı emes.
Ekinshi kezeń klassıkalyq baǵyt boıynsha ótedi. Shyǵys aınalma avtojolymen 4,5 aınalym jáne ál-Farabı dańǵyly arqyly ótip, «Medeý» muz aıdynynda jarys máresine jetpek. Bul kúni velododa qatysýshylary 160 shyqyrym jarys jolyn baǵyndyrady. Kezeńniń tikeleı kórsetilimin 60 mıllıondyq kórermeni bar «Eýrosport» telearnasy kórsetedi.
