Bıylǵy aqpanda halyqtyń ortasha jan basyna shaqqandaǵy ataýly tabysy 52 231 teńgeni qurady
ASTANA. 12 sáýir. QazAqparat - 2013 jylǵy aqpanda halyqtyń ortasha jan basyna shaqqandaǵy ataýly aqshalaı tabystary aldyn ala berilgen derekter boıynsha 52 231 teńgeni qurap, 2012 jylǵy tıisti kezeńmen salystyrǵanda 9,4%-ǵa artty.
Naqty aqshalaı tabystar 2,2%-ǵa ósti. Bul týraly QR Statıstıka agenttiginiń málimetterinde habarlandy.
2013 jylǵy aqpanda ortasha jan basyna shaqqandaǵy aqshalaı tabystardyń kólemi boıynsha Atyraý oblysy, Almaty jáne Astana qalalary aldyńǵy qatarda, munda osy kórsetkish ortasha respýblıkalyq deńgeıden 2,3 -1,6 esege artyq.
«2013 jylǵy aqpanda tabystary eń tómen óńirler qatarynda Ońtústik Qazaqstan, Jambyl jáne Almaty oblystary belgilendi, osy óńirlerde halyqtyń tabys mólsheri respýblıkalyq deńgeıden 61,3%-dan 81,9%-ǵa deıin qurady. Sonymen birge, halyqtyń naqty aqshalaı tabystarynyń eń kóp ósý qarqyny Almaty jáne Mańǵystaý oblystarynda belgilendi»,-delingen agenttiktiń derekterinde.
2013 jylǵy aqpanda óńirler boıynsha ataýly aqshalaı tabystardyń eń joǵary jáne eń tómen mólsherleri arasyndaǵy araqatynas 3,7 eseni qurady (2012 jylǵy aqpanda - 3,8 ese).
