Bıylǵy 9 aıda jalpy ishki ónimniń deńgeıi 5,2 paıyzǵa ósti - Úkimet basshysy
ASTANA. 23 qazan. QazAqparat - Bul týraly búgin bıylǵy 9 aıdaǵy áleýmettik ekonomıkalyq damýdyń jáne bıýdjettiń oryndalýynyń qorytyndylanýyna arnalǵan Úkimet otyrysynda Premer-Mınıstr Serik Ahmetov málim etti.
«Ótken jyldyń osy kezeńimen salystyrǵanda bıylǵy 9 aıdaǵy jalpy ishki ónim deńgeıi 5,2 paıyzǵa ósip, shamamen 30 trln. teńgeni qurady.Negizgi salalardy qamtıtyn jáne jalpy ishki ónimniń 68 paıyzyn quraıtyn qysqa merzimdi ekonomıkalyq ındıkator ótken jyldyń osy kezeńimen salystyrǵanda 102,7 paıyzdy qurady. 9 aıdaǵy ónerkásiptik óndiris kólemi 12,1 trln. teńgege ósti. Ol ótken jyldyń sáıkes merzimine qaraǵanda 0,5 paıyzǵa joǵary»,- dedi Úkimet basshysy.
Onyń sózine qaraǵanda, aýyl sharýashylyǵynda jalpy ónim shyǵarý kólemi 1,3 trln. teńge deńgeıinde qalyptasyp otyr.
