Bıylǵy 8 aıda elimizden ketkenderdiń sany 18 myńnan astam adamdy qurady
ASTANA. QazAqparat - Elimizge turǵylyqty turaqtaýǵa kelgenderdiń sany 10 837 adamdy qurady. Bul týraly búgin Astanadaǵy baspasóz máslıhatynda QR Ulttyq ekonomıka mınıstrligi Statıstıka komıtetiniń tóraǵasy Álıhan Smaıylov málim etti.
«2014 jylǵy qańtar-tamyzda elimizge turǵylyqty turýǵa kelgenderdiń tirkelý sany 10 837 adamdy qurady, al ketkenderdiń tirkelgen sany 18 417-ni qamtydy. Elimizdegi negizgi kóshi-qon almasýy TMD memleketterimen bolýda»,- dedi komıtet basshysy.
Onyń sózine qaraǵanda, óńiraralyq kóshi-qonnyń oń aıyrymy Astana (13 104), Almaty (9 854) qalalarynda jáne Mańǵystaý (794), Atyraý (536), Aqtóbe (86) oblystarynda qalyptasty.
Budan bólek, 2014 jylǵy qańtar-tamyzda AHAT organdary 103,6 myń neke qııý týraly akti jazbasyn usyndy. 2013 jylǵy osy kezeńmen salystyrǵanda onyń sany 4,4 paıyzǵa azaıdy.
Sonymen qatar atalǵan merzimde ajyrasýlar sany 34,8 myń boldy. Bul kórsetkish byltyrdyń sáıkes kezeńine qaraǵanda 2,1 paıyzǵa kóbeıdi.
