Bıylǵy 7 aıda 180 myńǵa jýyq kólik birinshi retten tehnıkalyq tekserýden óte almady
ASTANA. QazAqparat - 2015 jylǵy 7 aıdyń qorytyndysy boıynsha tehnıkalyq qarap tekserýge 1 509 365 avtokólik quraly usynylyp, onyń ishinde 1 330 317 kólik tehnıkalyq qarap tekserýden ótken, al 179 048-i (160 731 jeńil avtomobıl, 10 765 júk kóligi, 5847 avtobýs) birinshi retten tehnıkalyq tekserýden óte almaǵan. Bul týraly QR Investıtsııalar jáne damý mınıstrliginen habarlandy.
2014 jyldyń sáıkes kezeńinde birinshi retten tehnıkalyq qarap tekserýden óte almaǵan kóliktiń sany 218 myńdy quraǵan.
Bul rette, kópshilik jaǵdaılarda tehnıkalyq qarap tekserýde anyqtalǵan teris nátıjeniń sebepterine tejeýish júıesiniń (63 myń), rólmen basqarý tetikteriniń (16 myń), syrtqy jaryq berý quraldarynyń (90 myń), qozǵaltqyshtyń (16 myń) aqaýlyǵy áser etken.
Barlyq tehnıkalyq qarap tekserý ortalyqtary «Tehbaıqaý» biryńǵaı aqparattyq júıesine qosylǵan, ol aqparattyń avtomatty túrde tapsyrylýy men óńdelýin júzege asyrady.
