Bıylǵy 6 aıda jol-kólik oqıǵalarynyń kóbi Almaty qalasy men OQO-da tirkeldi

ASTANA. QazAqparat - Jol-kólik oqıǵalary negizinen Almaty qalasy men OQO-da oryn aldy. Bul týraly búgin Ortalyq kommýnıkatsııalar qyzmetindegi brıfıngte QR Bas prokýratýracy Quqyqtyq statıstıka jáne arnaıy esepke alý jónindegi komıtettiń málimetinde habarlandy.

«Jol-kólik oqıǵalary kóbinese Almaty qalasynda (2425), Ońtústik Qazaqstan oblysy (1408), Almaty oblysy (799), Shyǵys Qazaqstan oblysy (580) jáne Jambyl oblystarynda (549) tirkeldi», - delingen taratylǵan málimette.

Atap aıtqanda, negizinen jyldamdyqty asyrý, jaıaý júrginshiler jolaǵynan júrý erejesin buzý, joldyń qarsy jolaǵyna shyǵý, condaı-aq jaıaý júrginshilerdiń joldy ruqsat etilmegen bóliginen qıyp ótýi saldary jol-kólik oqıǵalaryna alyp keledi.

2014 jylǵy alty aıdaǵy jol-kólik oqıǵalaryn jáne zardap shekken adamdardy esepke alý málimetterine sáıkes, elimiz boıynsha 8608 oqıǵa tirkeldi. 2013 jyldyń osy kezeńinde bul kórsetkish 8462-ni qurady.

Jalpy JKO-nyń basym bóligi jaıaý júrginshilerdi soǵyp ketý (3999), kólikterdiń soqtyǵysýy (2983), kóliktiń aýdarylýy (686) sebepterinen oryn aldy.