Bıylǵy 5 aıda shaǵyn kemelerde 8 oqıǵa oryn alyp, 13 adamnyń ómiri qıyldy
ASTANA. 7 maýsym. QazAqparat - «Skýter» aktsııasy Flottaǵy apattylyqtyń aldyn alý jónindegi jyl saıynǵy sharalar jospary aıasynda ótkiziledi. Ol jospar boıynsha jurtshylyq arasynda kemelerdi paıdalaný erejeleri týraly aqparattyq-túsindirme jumystaryn júrgizýmen qatar shaǵyn flotty tekserýler ótkiziledi.
«Aktsııanyń negizgi maqsaty - respýblıkadaǵy sý qoımalaryndaǵy adamdardyń jappaı demalatyn oryndarynda shaǵyn kemelermen jumys jasaǵanda qaýipsizdik normalaryn buzýdy boldyrmaý bolyp tabylady. Aktsııany ótkizgen alǵashqy 3 kúnniń ózinde kóliktik baqylaý komıtetiniń aýmaqtyq organdary qyzmetkerleri 64 shaǵyn kemeni tekserýden ótkizip, sonyń nátıjesinde 10 ákimshilik quqyq buzýshylyq anyqtalyp, 10 shaǵyn kemeni paıdalanýǵa tyıym salyndy»,-delingen QR KKM baspasóz qyzmetiniń málimetinde.
Komıtettiń mamandary quqyq buzýshylyqtyń negizgi sebepteri retinde kemelerdi qaýipsiz paıdalaný talaptaryn oryndamaý, belgilengen tártippen tirkeýden ótpegen jáne tehnıkalyq kýálandyrýdan ótpegen kemelerdi paıdalanýdy atap kórsetýde.
Aıtalyq, ótken jylǵy 12 aıda sý kóliginde 23 oqıǵa, onyń 11-i shaǵyn flotta tirkelip, sonyń saldarynan 13 adam qaza bolǵan. Al 2013 jylǵy 5 aıdyń ózinde shaǵyn kemelerde 8 oqıǵa oryn alyp, 13 adamnyń ómiri qıyldy.
«Skýter» aktsııasy tamyz aıynyń aıaǵyna deıin jalǵasatyndyǵyn eskertemiz. Al keme ıelerine jáne turaq-baza ıelerine sý kóligi salasy boıynsha qoldanystaǵy zańnamalardy qatań saqtap, shaǵyn kemelerdi qaýipsiz paıdalanýdy qamtamasyz etýdi aıryqsha tapsyramyz»,-dep eskertedi vedomstvo.
