Bıylǵy 29 mamyrdaǵy jaǵdaı boıynsha 443 146 kólik tehnıkalyq baıqaýdan ótken
ASTANA. 29 mamyr. QazAqparat - Búgin Qaraǵandy qalasynda QR Kólik jáne kommýnıkatsııa mınıstrliginiń Kóliktik baqylaý komıteti tehnıkalyq baıqaý ortalyqtarynyń (TBO) jáne «Nur Otan» HDP Qaraǵandy bólimi ókilderiniń qatysýymen keńeıtilgen jınalys ótkizdi.
Atalǵan mınıstrliktiń málimetinshe, jıyn barysynda avtokólik quraldaryn tehnıkalyq baıqaýdan ótkizýde kezdesip otyrǵan negizgi máseleler talqylandy. Atap aıtqanda, onda TBO usynyp otyrǵan qyzmet sapasyn arttyrý jáne qajetti ortalyqtardyń sanyn kóbeıtý, tıisti jumystardy uıymdastyrý sharalary qaraldy.
Kóliktik baqylaý komıteti tóraǵasynyń orynbasary Áset Asaýbaev búgingi kúni Qazaqstanda 369 jeliden quralǵan 169 tehnıkalyq baıqaý ortalyqtarynyń jumys istep turǵanyn aıtyp ótti. 2012 jyldyń 29 mamyryna 443 146 kólik quraldary tehnıkalyq baıqaýdan ótken.
Degenmen, bunymen qosa, TBO-nyń tehnıkalyq baıqaýdy ótkizý jáne uıymdastyrýda zań buzýshylyq derekteri jıilep ketti. Aǵymdaǵy jyldyń 2-shi toqsanynan bastap 6 tehnıkalyq baıqaý ortalyǵy ákimshilik jaýapkershilikke tartylyp, olarǵa 194 160 teńge kóleminde aıyppul salynǵan. Almaty, Aqtóbe, Qostanaı qalalaryndaǵy 4 TBO-da tekserý jumystary júrgizilýde.
Á. Asaýbaevtyń habarlaýynsha, mınıstrlik avtomobıldi paıdalanýda onyń qaýipsizdigine tikeleı áser etpeıtin birqatar parametrlerdi Tehnıkalyq baıqaýdy uıymdastyrý jáne ótkizý erejesinen alyp tastaýǵa qatysty ońtaılandyrý jumystaryn jalǵastyrýda.
Jınalysta qazirgi ýaqytta tehnıkalyq baıqaý ortalyqtaryna biryńǵaı aqparattyq júıeni engizý jumystarynyń júrgizilip jatqany aıtyldy. Atalǵan júıe tehnıkalyq baıqaýdyń nátıjeleri týraly aqparatty Kólik jáne kommýnıkatsııa mınıstrliginiń málimetter qoryna avtomatty túrde jiberedi.
