Bıylǵy 2 aıdyń ishinde respýblıka boıynsha 577 balaǵa ota jasaldy

Bul ótken jylmen salystyrǵanda 55 paıyzǵa joǵary. Bul málimetterdi Densaýlyq saqtaý mınıstrliginiń baspasóz qyzmeti taratty.

Baspasóz málimetterine qaraǵanda, búgingi tańda Qazaqstanda ınterventsııalyq jáne kardıohırýrgııalyq qyzmettiń damýyna

barlyq jaǵdaı jasalǵan. 2011 jyldan beri Ulttyq ǵylymı kardıohırýrgııalyq ortalyq, Almatyda Perınataldyq ortalyq jumys isteı bastady. Qazir úlkender men balalarǵa ashyq júrekke operatsııa jasaýǵa arnalǵan operatsııalyq zaldar tolyqtaı jetkilikti.

Qan aınalymy júıesi aýrýlarynan bolatyn ólim-jitimdi tómendetýge baǵyttalǵan is-sharalardyń biri - ınsýlttik ortalyqtar ashý. Mı qan aınalymy buzylǵan naýqastarǵa kómek kórsetýge arnalǵan osyndaı 8 ortalyq 2011 jyly elimizdiń 6 oblysynda ashyldy. Respýblıkalyq bıýdjet qarajaty epsebinen 6 óńirdegi medıtsınalyq uıymdarda ornalasqan 7 ınsýlttik ortalyq qajetti standartpen jaraqtandyryldy.