Bıylǵy 10 aıda ónerkásiptik óndiristiń ósimi 4 paıyzdy qurady - Ekonomıkalyq damý jáne saýda mınıstri

TANA. 15 qarasha. QazAqparat /Rýslan Ǵabbasov/ - Bıylǵy 10 aıda ónerkásiptik óndiristiń ósimi 4 paıyzdy qurady. Buǵan ishki jáne syrtqy suranystyń keńeıýi yqpal etti.

Bul týraly búgin Úkimet otyrysynda bıylǵy on aıdyń áleýmettik-ekonomıkalyq damý qorytyndysy boıynsha baıandama jasaǵan Ekonomıkalyq damý jáne saýda mınıstri Qaırat Kelimbetov málim etti.

«Óńdeýshi ónerkásiptegi óndiris ósimi taý-ken sektorymen salystyrǵanda qarqyndy ósip kele jatyr. Negizinen, bul hımııalyq ónerkásip, mashına qurylysy, metallýrgııalyq ónerkásip ónimderi óndirisiniń artýy esebine negizdelip otyr. Atap aıtqanda, ónerkásiptik óndiris ósimi elimizdiń barsha óńirinde baıqalýda», - dedi vedomostvo basshysy.

Mınıstrdiń sózine qaraǵanda, ósimniń negizgi kórsetkishi Astanada (30,5 paıyz), Jambyl oblysynda (32,3 paıyz) tirkelgen. Al Aqmola oblysynda ósim 17,9 paıyzdy, Almaty qalasynda 15 paıyzdy qurady.