Bıylǵy 10 aıda Qazaqstannyń JІÓ 5,8 paıyzǵa ósti - E. Orynbaev
ASTANA. 26 qarasha. QazAqparat - Bıylǵy jyldyń qańtar-qazan aılarynyń qorytyndysy boıynsha Qazaqstandaǵy jalpy ishki ónim naqty mánde 5,8 paıyzǵa ósti. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte Úkimet basshysynyń orynbasary Erbol Orynbaev málim etti.
Onyń sózine qaraǵanda, 2012 jyly jan basyna shaqqandaǵy jalpy ishki ónim 12 myń AQSh dollaryn qurasa, bıylǵy jyly bul kórsetkish 13 myń 326 dollarǵa jetedi dep kútilýde. Atap aıtqanda, Dúnıejúzilik banktiń málimeti boıynsha Qazaqstan 2011 jyly ortasha deńgeıden tabysy joǵary elderdiń qataryna enip, búginde Túrkııa, Brazılııa, Malaızııa sekildi eldermen qatarlasyp, bul baǵyttaǵy óziniń kórsetkishterin nyǵaıta túsýde.
