Bıylǵy 10 aıda Qazaqstannyń syrtqy saýda kólemi 81 mlrd. AQSh dollaryn qurady - Ekonomıkalyq damý jáne saýda mınıstrligi
ASTANA. 14 jeltoqsan. QazAqparat /Rýslan Ǵabbasov/ - Bıylǵy 10 aıda Qazaqstannyń syrtqy saýda kólemi 81 mlrd. AQSh dollaryn qurady. Bul týraly búgin 2010 jyldyń 11 aıyndaǵy áleýmettik-ekonomıkalyq damýdyń qorytyndysyna arnalǵan Úkimet otyrysynda Ekonomıkalyq damý jáne saýda mınıstri Janar Aıtjanova málim etti.
«Bıylǵy qańtar-qazan aılarynda Reseı jáne Belarýspen ózara saýdany qosa alǵandaǵy syrtqy saýda kólemi 43,1 paıyzǵa artyp, 81 mlrd. AQSh dollaryn qurady», - dep atap ótti mınıstr.
Onyń sózine qaraǵanda, eksport ótken jyldyń sáıkes kezeńimen salystyrǵanda 52,6 paıyzǵa ósip, 51,4 mlrd. AQSh dollaryn qurady. Al ımport 29,6 mlrd. dollardy qurap, 29,1 paıyzǵa ósti. «Tólem balansy saldosy oń bolyp 21,7 mlrd. AQSh dollaryn qurap, 2009 jyldyń sáıkes kezeńimen salystyrǵanda eki esege ósti»,- dep atap ótti J. Aıtjanova.
