Bıylǵy 10 aıda 10 myńnan astam órt boldy - QR TJM
ASTANA. 1 qarasha. QazAqparat - Bıylǵy 10 aıda Qazaqstan Respýblıkasynda 10980 órt tirkeldi, ondaǵy materıaldyq shyǵyn 3 mlrd. teńgeni qurady. Bul týraly búgin ótken brıfıngte QR TJM Órtke qarsy qyzmet komıteti tóraǵasynyń orynbasary Dáýren Danaev málim etti.
Onyń aıtýynsha, osy órtterde 329 adam, sonyń ishinde 38 bala qaza boldy, 452 adam ár túrli dárejedegi aýyr jaraqattar, kúıikter aldy jáne ýlandy. 1237 adam men 50 mlrd. teńgeden astam somada materıaldyq qundylyqtar qutqaryldy. «Ótken jylǵy sáıkes kezeńmen salystyrǵanda órttiń sany 17%-ǵa, materıaldyq shyǵyn 14%-ǵa, órt kezinde adamdardyń qaza bolýy 8%-ǵa azaıǵany baıqalady», - dedi D.Danaev.Onyń aıtýynsha, órttiń negizgi sebepteri otty abaısyz paıdalaý - 3983 jaǵdaı (36%), elektr jabdyqtaryn montajdaý jáne tehnıkalyq paıdalaný qaǵıdalaryn buzý - 2578 (23%), peshterdi ornatý jáne paıdalaný kezinde órt qaýipsizdigin buzý - 1004 (9%) jáne taǵy basqalar.
