Bıyldyń aıaǵyna qaraı memlekettik tildi meńgerýdiń biryńǵaı tıptik júıesi qalyptasatyn bolady

Bul týraly búgin Astanada QR Mádenıet jáne aqparat mınıstrliginiń alqa májilisinde atalǵan vedomstvonyń basshysy Darhan Myńbaı málim etti.

Mınıstrdiń sózine qaraǵanda, elimizdiń 130 tildi oqytý ortalyqtary oqytýdyń bazalyq quraldaryn ıelenetin bolady.

Budan bólek, D. Myńbaı ótken jyly Qazaqstannyń barlyq aımaqtarynda úlken kólemde qazaq tilindegi ádebıetter men ádistemelik quraldar taratylǵanyn jetkizdi. Onda alǵashqy ret shyǵarylyp otyrǵan entsıklopedııalyq ádebıetter, balalar men eresekterge arnalǵan kóptomdyq kórkem shyǵarmalar, tanymdyq, ádistemelik ádebıetter men basqa da kitaptar qamtylyp basylǵan. «Osyndaı 300-ge jýyq ataýlarmen shyqqan jobalar alǵashqy ret kópshilikke qoljetimdi bolý maqsatynda Internet jelilerinde ornalastyryldy», - dedi mınıstr.