Bıyldan bastap UBT tapsyratyn bir toptaǵy oqýshylar sany 600 adamnan aspaıdy
ASTANA. QazAqparat - Bıyldan bastap ulttyq biryńǵaı test tapsyratyn bir toptaǵy oqýshylar sany 600 adamnan aspaıdy. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte elimizdiń Bilim jáne ǵylym mınıstrligi Bilim jáne ǵylym salasyndaǵy baqylaý komıtetiniń tóraǵasy Saıat Núsipov málim etti.
«Ózderińiz de biletindeı, buǵan deıin bizde jyl saıynǵy UBT tapsyrýshylardyń bir tobyndaǵy norma 800 adam bolatyn. Bul óte baıypty san. UBT-nyń árbir pýnktine 800 adamdy ótkizip, otyrǵyzyp, test suraqtaryn taratý óte kóp ýaqytty alatyn. Birqatar qıyndyqtar týyndaıtyn», - dedi ol.
Onyń atap ótýinshe, osyndaı kúrdeli qıyndyqtardan keıin UBT tapsyrý ýaqyty uzartylǵan.
«Buǵan qosa, biz UBT tapsyratyn toptyń shekti deńgeıin 600 adamǵa deıin tómendetemiz. ıAǵnı, eń kóbi 600 adam bolýy qajet. Munan az bolsa da bolady, biraq aspaýy tıis», - dedi S.Núsipov.
