Bıyldan bastap kolledjderdiń oqý tólemaqysy dıfferentsıaldy bolady

ASTANA. QazAqparat - Bıyldan bastap kolledjderdiń oqý tólemaqysy dıfferentsıaldy bolady. Bul týraly búgin QR Mádenıet jáne sport mınıstrliginiń kásiptik-tehnıkalyq kadrlardy daıarlaý jónindegi salalyq keńesi barysynda vedomstvoǵa qarasty Bilim, ǵylymı jumystar jáne halyqaralyq yntymaqtastyq departamentiniń dırektory Dinıslam Bolathanuly málim etti.

«Keshe ǵana QR Premer-Mınıstriniń keńsesine 2016-2017 oqý jylyna memlekettik bilim berý tapsyrysyn bekitý jónindegi qaýly jobasy engizildi. Onda kolledjderdiń árqaısysynyń tólemaqysy dıfferentsıaldy bolatyndyǵy kórsetilgen. ıAǵnı, ár kolledjde daıyndap jatqan mamandyqtardyń erekshelikterine qaraı baǵasy naqtylandy. Kópten beri jasaı almaı júrgen dúnıemiz edi. Sony bıyl jasadyq»,- dedi ol.

Sonymen qatar ol bıyldan bastap Qazaq ulttyq horeografııa akademııasy jumysyn bastaıtyndyǵyn, ol da bizdegi joǵary oqý oryndary sııaqty mamandardy barlyq bilim berý deńgeıleri boıynsha oqytatyndyǵyn atap ótti.

«Sonyń ishinde Qazaq ulttyq hereografııa akademııasynyń kolledjine 55 memlekettik bilim berý tapsyrysy qarastyrylyp otyr. Ótken jyly josparlanǵan memlekettik tapsyrys boıynsha 300 orynǵa 768 talapkerden ótinish kelip tústi. Qabyldaý konkýrstarynda mamandyqtar boıynsha talapkerler 1 orynǵa 2,8 adamdy qurady», - dedi D.Bolathanuly.