Bıyldan bastap Qazaqstanda molekýlalyq-genetıkalyq testileý júrgiziledi
Onyń sózine qaraǵanda, Ekonomıkalyq yntymaqtastyq jáne damý uıymy elderinde isiktiń ereksheligine baılanysty jeke emdeý kólemin taǵaıyndaýǵa múmkindik beretin obyrdy molekýlalyq -genetıkalyq testileý mindetti bolyp otyr.
«Qazaqstanda 2019 jyldan bastap tegin medıtsınalyq kómektiń kepildik berilgen kólemi aıasynda molekýlalyq-genetıkalyq testileý júrgizile bastaıdy. Bul turǵyda 309 mln teńge qosymsha qarjy bólingen. Ókpe obyry, sút bezi obyry, kolorektaldyq obyr jáne teri melanomasyna molekýlalyq-genetıkalyq dıagnostıka júrgizý úshin 3 referens-zerthana (QazORǴZI (Almaty qalasy), Qaraǵandy, Astana qalalarynyń onkologııalyq ortalyqtary) aıqyndaldy. Atap aıtqanda, 2019 jyly 3 myńǵa jýyq zertteý júrgizý josparlanǵan», - dep naqtylady vedomstvo basshysy.
Erte dıagnostıkalaýdy jaqsartý maqsatynda 2019 jyly onkologııalyq aýrýlarǵa kúdikti patsıentterge kompıýterlik tomografııa (KT) jáne magnıtttik-rezonanstyq tomografııa (MRT) zertteýlerin júrgizý úshin 1,6 mlrd teńge kóleminde qosymsha qarjy bólingen.
«Dıagnostıkalaý kúrdeli naýqastarǵa halyqaralyq sarapshylardyń telekonsýltatsııasy, sondaı-aq mamannyń «ekinshi kózqarasy» qoldanylatyn gıstopreparattardyń telepatologııasy engizilýde. Bul qadam Ekonomıkalyq yntymaqtastyq jáne damý uıymy elderinde onkologııalyq aýrýlardy dıagnostıkalaýda mindetti komponent bolyp otyr, endi Qazaqstanda 2019 jyldan bastap biz tegin medıtsınalyq kómektiń kepildik berilgen kólemi aıasynda iske asyratyn bolamyz», - dedá Eljan Birtanov.
Onyń paıymynsha, bul sharalar erte dıagnostıkalaýdy (0-1 satylar) 2022 jylǵa 33 paıyzǵa deıin arttyrýǵa múmkindik beredi.
Budan buryn habarlanǵandaı, Úkimet saǵaty barysynda mınıstr qazaqstandyqtar qaterli isiktiń qaı túrine jıi shaldyǵatynyn aıtty.
Illıýstratsııalyq sýret
