Bıyldan bastap Dýbaıda ushatyn drondar jolaýshy tasymaldaıdy
ASTANA. QazAqparat - 2017 jyldyń jazynda Dýbaıda EHang 184 jolaýshylar drony adamdar tasymaldaýdy bastaıdy. Bul týraly Halyqaralyq úkimettik sammıtte Dýbaıdyń jol jáne kólik agenttiginiń basshysy málimdedi, dep habarlaıdy Popular Mechanics .
EHang 184 jolaýshylar dronynyń prototıpi CES 2016 kórmesinde usynyldy. Oktokopter klassıkalyq kvadrokopter úlgisinde jasalǵan. Kompanııa habarlamasyna sáıkes, bul apparat saǵatyna 160 shaqyrym jyldamdyqpen ushady, bir joly 100 keli salmaqqa deıingi jolaýshyny alyp kete alady.
Buryn EHang óziniń dronyn synaqtan ótkizgen bolatyn, alaıda onyń pılottyq ushýy jaıly málimet áli habarlanbaı keldi.
Dýbaıdyń jol jáne kólik agenttigi basshysynyń aıtýynsha, EHang 184 jolaýshylar drony 2017 jyldyń shilde aıynda iske qosylady. Dronnyń baǵdaryn 4G-jelisi arqyly jerdegi operator baqylap otyrady. Al, jolaýshy kólikke otyrǵanda tek baratyn jerin kórsetedi. Dronnyń bir reısiniń qashyqtyǵy 50 shaqyrymnan aspaıdy.
