Bıyldan bastap doktorantýraǵa túsetinder qazaq tilin meńgergenin rastaıtyn sertıfıkat usynýǵa tıis
Túsý emtıhanyna qatysýǵa QR ǴJBM Ulttyq testileý ortalyǵynyń app.testcenter.kz saıtynda tirkelýge bolady.
Doktorantýraǵa túsý úshin tek bir joǵary oqý orny men bilim baǵdarlamalarynyń bir tobyn ǵana tańdaýǵa bolady.
Eger túsýshige berilgen ótinishke (testileýdi tapsyrý qalasy, bilim baǵdarlamalarynyń toby, testileýdi tapsyrý tili) ózgeris engizý qajet bolǵan jaǵdaıda, oǵan ótinish qabyldaý júıesi jabylǵanǵa deıin (18 qarashaǵa deıin) ótinishti óńdeý nemese joıý múmkindigi beriledi.
Testileý orny men ýaqyty týraly aqparat túsýshiniń jeke kabınetinde 29 qarashada jarııalanady.
«Túsý emtıhanyna esse jazý, doktorantýraǵa daıyndyq testi jáne bilim baǵdarlamasy tobynyń beıini boıynsha emtıhan kiredi. Jalpy, túsý emtıhanynyń eń joǵary kórsetkishi - 100 ball, onyń ishinde áńgimelesý – 20 ball, esse – 10 ball, doktorantýrada oqýǵa daıyndyǵyn anyqtaýǵa arnalǵan test – 30 ball, beıini boıynsha emtıhan suraqtary – 40 ball. Al memlekettik bilim tapsyrysy boıynsha konkýrsqa qatysý úshin jáne aqyly negizde doktorantýraǵa túsý úshin shekti ball - 75», – dep atap ótti QR Ǵylym jáne joǵary bilim vıtse-mınıstri Qýanysh Erǵalıev.
Sondaı-aq bıyl alǵash ret doktorantýraǵa túsý úshin shet tilin bilý sertıfıkatynan basqa, QAZTEST júıesi boıynsha memlekettik tildi meńgergenin rastaıtyn sertıfıkat usyný qajet.
Erejeni buzǵany úshin testileýge jiberilmegen, sondaı-aq aǵymdaǵy jyly nátıjeleri joıylǵan tulǵalar doktorantýraǵa túsý emtıhanyna qaıta qatysýǵa jiberilmeıtinin atap ótken jón.
